जनकपुरधाम, चैत १ गते ।
कुवेतमा कार दुर्घटनामा तीनजना नेपालीको ज्यान गएको छ ।
मंगलबार बिहान महबुला क्षेत्रमा कारले ठक्कर दिँदा धनुषाका एक युवक सहित तीन नेपालीको घटनास्थलमै मृत्यु भएको हो ।
धनुषाको मिथिला नगरपालिकास्थित बेंगाडावरका धिरज गुर्माछान् मगर, काठमाडौंको नागार्जुन नगरपालिका २ सानोभर्याङ बस्ने सुजन कार्की र पञ्चदेवल विनायक नगरपालिका ५ अछामका सुरजबहादुर कडायतको मृत्यु भएको कतारस्थि रहेको नेपाली राजदुतावासले जनाएको छ ।
ठक्कर दिने कुवेती नागरिक भने प्रहरीको नियन्त्रणमा छ ।
कुवेतस्थित नेपाली दूतावासका सूचना अधिकारी प्रेमराज गौतमका अनुसार मृतकहरुको पासपोर्टमा भएको ठेगानाका आधारमा परिवारसँग सम्पर्क गर्ने प्रयास भइरहेको छ ।
कुवेतको सबै प्रक्रिया पुरा गरेर र परिवारसँग सम्पर्क गरेर शवहरूलाई नेपाल पठाइने उनले बताए ।
मृतक तीनैजना नेपाली कुवेतको पापाजोन कम्पनीमा कार्यरत थिए । हवालीमा बस्दै आएका सुजन कार्की र धिरज गुर्मछान मगर सोमवार राति महाबुल्ला बस्ने साथी सुरजलाई भेट्न गएका थिए ।
मंगलबार बिहान ड्युटीका लागि आफ्नो कोठामा फर्किने क्रममा सुजनले उनीहरुलाई बस चढाउन आएका थिए ।
त्यहीँ बेला बाटो काट्दा कारले ठक्कर दिएपछि घटनास्थलमै तीनैजनाको मृत्यु भएको थियो।
